Zondag 11 november 2019 um half elf is der weer ‘n veurlaesmargen van D’Eigenspraok, de dialek-werkgroep van de Oudheidkundige Vereniging Gemeente Gendringen. ‘t Wödt ‘n extra feesteleke margen, want de burgemeester het ons belaof dat e dit keer ok kömp luusteren.

‘t Kos allemaol ok nog ‘n keer helemaol niks: i-j krieg van ons ‘n kumken koffie of ‘n köpken thee en, of ‘t niet op kan, bakken de dames van de vereneging ok nog lekkere cake.

Zit allemaol in de pries bi-j-in en den is helemaol gratis!

Veureg joor hemmen wi-j ‘n jullie ‘n ni-j boek belaof en dat boek is now kloor. Alle leden hemmen dooran metgeschreven en geleuf maor dat ze der trots op zun. 176 pagina’s vol met mooie vehalen en gedichten. Natuurlek wil i-j der een veur ow eiges hemmen, maor denk derum: dit is ok ‘n alderbastend mooi sinteklaoskadootje of iets veur onder de kesboom. A’j de knip bi-j ow heb, kö’j der meteen ‘n stel veur de hele familie metnemmen.